Бош саҳифа > ЯНГИЛИКЛАР

Очистить

ЭЪЛОН
12.07.2018

Ўзбекистон Миллий кутубхонаси Ўзбекистон халқ шоири, Ўзбекистон Қаҳрамони Эркин Воҳидов таваллудининг 80 йиллигига бағишланган “Шоиру шеъру шуур” деб номланган шеърхонлик  онлайн - адабий танловини эълон қилади.

“Қирғизистон халқ ёзувчиси Чингиз Айтматов” номли биобиблиографик кўрсаткич тайёрланди
12.07.2018

Қирғиз халқининг атоқли адиби Чингиз Айтматов асарлари ўзбек китобхонлари қалбидан муносиб жой олган. Адибнинг деярли барча асарлари ўзбек тилига таржима қилинган. Унинг серқирра ижоди икки қардош халқ ўртасидаги дўстлик ришталарини янада мустаҳкамлашга хизмат қилади.

Чингиз Айтматов асарлари
11.07.2018

Чингиз Айтматов номини илк бор дунёга машҳур қилган асар “Жамила” қиссаси бўлди. 1958 йилда ёзилган бу қисса, икки йил ичида ўттизга яқин тилга ўгирилди. Асарни француз тилига ўгирган Луи Арагон уни “Муҳаббат ҳақида ёзилган жаҳондаги энг ажойиб қисса” дея эътироф этади ва ҳатто ўз таржимасининг номини ҳам шундай атади.

Чингиз Айтматов таваллудининг 90 йиллиги муносабати билан “Умрбоқий асарлар муаллифи” деб номланган китоб-расмли кўргазма
10.07.2018

2018 йил 10 июль куни  Ўзбекистон Миллий кутубхонаси “Ўзбекистон” ўқиш залида “Умрбоқий асарлар муаллифи” деб номланган китоб-расмли кўргазма очилди. Кўргазма Ўзбекистон Республикаси Президентининг 2018 йил 2 апрелдаги «Буюк адиб ва жамоат арбоби Чингиз Айтматов таваллудининг 90 йиллигини кенг нишонлаш тўғрисида»ги қарори ижросини таъминлаш мақсадида ташкил этилган бўлиб, унда адибнинг ҳаёти, ижод йўли ва асарларига бағишланган китоблар, даврий нашрлар ва фотосуратлар ўрин олган.

Чингиз Айтматов. “Эрта қайтган турналар”
10.07.2018

Қирғизистон халқ ёзувчиси Чингиз Айтматовнинг “Эрта қайтган турналар” қиссасида уруш даврида овулнинг катталарини ўрнини босган болаларнинг жасорати ва матонати тасвирланган. Муаллиф шудгорда ишлаётган болаларни эрта қайтган турналарга қиёслайди. Болалар турналарнинг келишини кўриб қувонадилар. Бу ҳикоянинг авжи нуқтаси. Улар турналарнинг эрта қайтиши – хосилнинг мўл бўлишидан белги эканлигига умид қиладилар. Асарнинг номини мажозий маънода ҳам тушуниш мумкин: болалар эрта улғайиб, куч тўплаб, қанот чиқариб, ўз юртларидан учиб кетадилар, лекин улар ўз ватанларини ҳеч қачон унутмайди ва эрта баҳорда қайтадиган турналар каби ўз ватанларига қайтиб келаверадилар. Қисса ёш авлодни қийинчиликлардан қўрқмасликка ва ҳақиқий инсон бўлиб шаклланишга чақиради.

КУТУБХОНА ТАВСИЯ ЭТАДИ
ТАҚВИМ