Бош саҳифа > ЯНГИЛИКЛАР

Очистить

“Туркистон тўплами”ни ЮНЕСКО “Жаҳон хотираси” дастурининг минтақавий ҳужжатли мероси сифатида тан олиниши    
27.05.2016

ЮНЕСКО “Жаҳон хотираси” дастурининг Осиё ва Тинч Океани минтақаси бўйича қўмитасининг 7 ялпи йиғилиши 2016 йил 18-21 май кунлари Вьетнамнинг Хюэ шаҳрида  бўлиб ўтди. Унда ЮНЕСКО (Париж), Австралия, Вануату, Вьетнам, Жанубий Корея, Камбоджа, КХДР, Самоа, Таиланд, Тожикистон, Тувалу, Хитой, Шарқий Тимор, Янги Зеландия, Япония, Ўзбекистон вакиллари ва Вьетнам давлатининг турли минтақаларидан меросий ҳужжатларни сақлаш бўйича масъул мутахассислари иштирок этдилар.

Ўзбекистон Миллий кутубхонасида Ўзбекистонда хизмат кўрсатган санъат арбоби, бастакор Мутаваккил Бурҳонов таваллудининг 100 йиллигига бағишланган хотира кечаси бўлиб ўтди  
21.05.2016

2016 йил 20 май куни Ўзбекистон Миллий кутубхонасида Ўзбекистонда хизмат кўрсатган санъат арбоби, бастакор Мутал (Мутаваккил) Бурҳонов таваллудининг 100 йиллигига бағишланган хотира кечаси бўлиб ўтди. Тадбирда санъатшунослар, бастакорлар, Ўзбекистон давлат консерваторияси ва Ўзбекистон давлат санъат ва маданият институти талабалари иштирок этдилар.

Тадбирни очиқ деб эълон қилар экан, Ўзбекистон Миллий кутубхонаси директор ўринбосари У.Тешабоева тадбир иштирокчиларини қутлади ва Мутал Бурҳонов ҳаёти ва ижоди ҳақида қисқача маълумот берди. Шунингдек у Ўзбекистон Миллий кутубхонаси томонидан давлат ва жамоат арбоблари, санъат, адабиёт ва фан фидоийларининг илмий ижодини акс этган рукнлардан ташкил топган тўлиқ матнли маълумотлар базасини тайёрлаш борасида олиб борилаётган ишлар билан таништирди. “Бугун кўргазмада тақдим этилган, Ўзбекистонда хизмат кўрсатган санъат арбоби, бастакор Мутуваккил Бурҳоновнинг 100 йиллигига бағишланган мазкур маълумотлар базасида бастакорнинг ижоди ҳақида маълумот, мусиқа асарлари, у ҳақдаги асарлар, газета ва журнал мақолаларининг электрон кўринишлари жамланган”, деди У.Тешабаева.

Ўзбекистон Миллий кутубхонасида буюк мутафаккир «Хожа Аҳмад Яссавий меросининг ёшлар маънавий тарбиясидаги ўрни» номли давра суҳбати  
19.05.2016

2016 йил 18 май куни Ўзбекистон Миллий кутубхонасида Буюк мутафаккир Хожа Аҳмад Яссавий ҳаёти ва ижодига бағишланган «Хожа Аҳмад Яссавий меросининг ёшлар маънавий тарбиясидаги ўрни» номли давра суҳбати бўлиб ўтди. Тадбирда файласуф олимлар, тилшунослар, шарқшунос олимлар, илмий тадқиқотчилар, талабалар ва кутубхона фойдаланувчилари иштирок этдилар.

Тадбирда сўзга чиққанлар буюк Шарқ мутафаккири, тасаввуф илмининг машҳур намояндаларидан бири, кароматгўй шоир, “Кароматлар”, “Ҳикматлар”, “Девони ҳикмат” китоблари муаллифи Хожа Аҳмад Яссавий ҳаёти, фаолияти, унинг руҳий устозлари, маърифатпарвар ғоялари ва илғор қарашлари ҳақида гапирдилар. Инсон руҳи ва онгини ҳар қандай иллат, қабоҳатдан озод этиш керак, ана шундагина инсонда ахлоқида кўзга ташланувчи айрим нуқсонлар юзага келмайди, деган фикрлар комил инсонни шакллантиришнинг асосий йўлларидан бири сифатида эътироф этдилар. Хожа Аҳмад Яссавий шеъриятининг кенг тарқалиши ва халқ орасида севиб ўқилишининг асосий сабаблари, уларнинг халқ оғзаки ижодига ниҳоятда яқинлиги ҳақида маълумот бердилар ва унинг панду-насихатларга бой мисраларига юзландилар.

Ўзбекистон Миллий кутубхонасида «Фарзандларга сингдирилиши лозим бўлган 10 қадрият» мавзусида семинар бўлиб ўтди
18.05.2016

2016 йил 18 май куни Ўзбекистон Миллий кутубхонаси қошидаги Оила ва бола тараққиёти марказининг “Бахтли ота-оналар – бахтли фарзанлар” лойиҳаси доирасида “Фарзандларга сингдирилиши лозим бўлган 10 қадрият” мавзусида мунозара клубининг семинари бўлиб ўтди. 

Ўзбекистон Миллий кутубхонасида Халқаро музейлар кунига бағишланган  “Ўзбекистон-ёруғ осмон остидаги музей” фотокўргазмаси очилди
18.05.2016

2016 йил 18 май куни Ўзбекистон Миллий кутубхонаси фойесида Халқаро музейлар кунига бағишланган  “Ўзбекистон-ёруғ осмон остидаги музей” фотокўргазмаси очилди. Фотокўргазма санъатшунослар, журналистлар, фотосуратчилар, музейшунос-талабалар ва кутубхона фойдаланувчилари иштирок этдилар.

КУТУБХОНА ТАВСИЯ ЭТАДИ
ТАҚВИМ