Бош саҳифа > Янги келиб тушган нашрлар > Алишер Навоий номидаги Ўзбекистон Миллий кутубхонасида 2017 йил давомида энг кўп фойдаланилган нашрлар статистикаси

Алишер Навоий номидаги Ўзбекистон Миллий кутубхонасида 2017 йил давомида энг кўп фойдаланилган нашрлар статистикаси

Ўзбекистон Республикаси Президенти Ш.Мирзиёевнинг 2017 йил 12 январдаги “Китоб маҳсулотларини чоп этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғибот қилиш бўйича комиссия тузиш тўғрисида”ги фармойишида белгиланган вазифалардан келиб чиқиб, фойдаланувчилар талабларини ўрганиш мақсадида буюртмалар таҳлил қилинди. Кутубхонада фойдаланувчилар учун асосий фондлар, ёрдамчи ва очиқ фондлардан буюртма бериш имкони яратилган. Миллий кутубхонанинг Адабиётларни бериш ва диспетчерлик хизмати адабиётлар бериш кафедраларида (асосий фондларга берилган буюртмалар асосида) Йил давомида фойдаланувчилар томонидан энг кўп мутолаа қилинган китоблар, газета ва журналлар аниқланди.

Натижалар жамланмаси ҳар ой якунида ўтказилди. Рўйхатга ўнлаб машҳур китоблар киритилди (жами 65 номдаги 24 муаллиф асарлари кўриб чиқилди).

Ҳисобот даврида жами адабиётлар берилиши 4060529 ташкил этди, жумладан: 1625857 нашр Адабиётларни бериш ва диспетчерлик хизматига тўғри келди. Ундан 376840 нусхасини китоблар ташкил этди. Адабиётларни бериш кафедраларида буюртма қилинган китоблар фан соҳалари бўйича қуйидаги жадвалда акс этган:


Мутолаа қилиш рейтинги адабиётларга бўлган буюртмалар асосида аниқланди.
Ижтимоий-сиёсий адабиётларга бўлган буюртмалар 89893 тани ташкил этиб, рейтингнинг 1-поғонасидан ўрин эгаллади. Соҳа бўйича энг кўп фойдаланилган китоблар, асосан, Ўзбекистон сиёсати, халқаро муносабатлар, давлат ва ҳуқуқ назарияси, тарих, фалсафа, сиёсатшуносликка оид адабиётлардир. Ижтимоий-сиёсий адабиётлар орасида энг кўп ўқилган китоблар бешталигидан қуйидагилар ўрин олди:




Фойдаланувчилар орасида бадиий адабиёт ва тилшуносликка оид адабиётларга ҳам талаб кучли. Бадиий адабиёт ва тилшунослик соҳаси бўйича буюртмалар 83150 тани ташкил этиб, рейтингнинг 2-қаторидан жой олди. Ўзбек ва хорижий ёзувчилар томонидан ёзилган бадиий асарлар таржималари, халқ оғзаки ижоди, ўзбек халқ мақоллари, тилшуносликка оид нашрлар энг кўп сўралган адабиётлар сифатида эътироф этилди.

Табиий фан ва тиббиёт бўйича буюртмалар (75368 та) бу соҳа бўйича китоб ўқилиши рейтингининг 3-поғонасидан ўрин олди. Фойдаланувчилар томонидан энг кўп мутолаа қилинган китоблар орасида “Соғлом турмуш тарзи асослари (Валеология)” етакчи ўринни эгаллади.

Техника ва қишлоқ хўжалигига доир ўқилган китоблар жами 67586 тани ташкил этди. Бу фан соҳаси бўйича кўп сўралган китоблар орасида «С ва С++», «Архитектура конструкцияси», «Фермер хўжалигини ташкил этиш ва унинг ҳуқуқий асослари», “Чизмачилик”, “Тикувчилик корхоналари жиҳозлари ва ускуналари” номли адабиётлар етакчилик қилди.

Маданият, санъат ва спорт соҳасида ўқилган китоблар 60843 тани ташкил этиб, рейтингимизнинг 5- поғонасидан ўрин олди. Улар орасидан энг кўп ўқилган 5 та китоб билан қуйидаги жадвалда танишишингиз мумкин:

Фойдаланувчилар томонидан китоблар билан бирга вақтли матбуот нашрларига ҳам буюртмалар амалга оширилган. Вақтли матбуот нашрлари таҳлили ҳам ўтказилди. Жами вақтли матбуот нашрларига буюртмалар (газета ва журналларга) 1249017нусхани ташкил этди. Шундан 845857 таси газеталар ҳисобига тўғри келди. Ундан энг кўп сўралган 5 номдаги газеталар (676686 та) умумий буюртма қилинган газеталарнинг қарийб 80% ни ташкил этди.

Кутубхона фойдаланувчиларининг вақтли матбуот нашрларига қизиқишларининг ортиб бораётганини адабиётларни бериш ва диспетчерлик хизмати (китоб бериш кафедралари ) орқали журналларга бўлаётган буюртмаларда ҳам кўриш мумкин. Йил давомида журналларга жами 403160 та буюртма бўлган. Шундан энг кўп сўралган 5 номдаги 262054 та журналлар буюртмаларнинг 65 фоизини ташкил этди. Булар қуйидагилар:

КУТУБХОНА ТАВСИЯ ЭТАДИ
ТАҚВИМ