Бош саҳифа > КУТУБХОНА ФАОЛИЯТИ > Ҳамкорлик

Ҳалқаро ҳамкорлик

 

Ўзбекистон Миллий кутубхонасининг Ҳалқаро алоқаларни ташкил этиш хизмати 1956 йилда Хорижий адабиётлар бўлими асосида ташкил этилган ва Ўзбекистон Миллий кутубхонасининг халқаро фаолиятини ташкилий, техник ва ахборот-методик тарафдан амалга оширишни таъминлашга мўлжалланган. Хизматнинг асосий вазифалари хорижий ахборот-кутубхона ва таьлим муассассалари, ташкилотлар ва нашриётлар, хориждаги дипломатик ваколатхоналар, жамғармалар, шунингдек, хориждаги мансабдор ва хусусий шахслар билан самарали ва ўзаро ҳамкорлик алоқаларини ўрнатиш  ва ривожлантиришдан иборат. Ахборот-кутубхона фаолияти, таьлим ва маданият соҳаларида, халқаро илмий-амалий конференциялар, симпозиумлар, семинарлар, кўргазмалар ўтказишда, шунингдек, кутубхонанинг муҳим халқаро лойиҳаларда иштирок этиши бўйича икки томонлама ва кўп томонлама ҳамкорлик дастурлари амалга оширилади.

Халқаро алоқаларнинг асосий тури халқаро китоб алмашиш бўлиб, у турли хил йўналишлар бўйича ҳамкор мамлакатларнинг ютуқлари тўғрисидаги маьлумотларни алмашишга ёрдам беради. Ўтган юз йилликнинг 50-йилларидан бошлаб кутубхона хорижий мамлакатларнинг кутубхоналари ва илмий муассасалари билан адабиётлар алмашинув алоқаларини амалга оширди. Кутубхона Европа, Осиё ва Американинг йирик кутубхоналари билан алоқаларни мунтазам равишда олиб борди. Ва ҳалигача халқаро китоб алмашиш кутубхонанинг хорижий адабиётлар бўлими фондининг муҳим манбаси ҳисобланади.

Ўзбекистон Миллий кутубхонаси АҚШ Конгресс кутубхонаси, Миср Араб Миллий кутубхона ва архивлар Бош бошқармаси, Корея Миллий кутубхонаси, Япония Миллий Парламент кутубхонаси, Франция Миллий кутубхонаси, Чехия Миллий кутубхонаси, Россия Давлат кутубхонаси, Россия Миллий кутубхонаси, Россия Фанлар Академияси Сибир бўлимининг Давлат оммавий илмий-техникавий кутубхонаси, Қозоғистон Миллий кутубхонаси, Белоруссия Миллий кутубхонаси, Озарбайжон Миллий кутубхоналари билан халқаро китоб алмашинувини олиб боради.

Хорижий адабиётлар фонди тузилмасида Ўзбекистон Республикасида аккредитатсиядан ўткан дипломатик хизматлар ҳам салмоқли ёрдам кўрсатади. 2012-2017 йилларда Миллий кутубхона АҚШ, Корея Республикаси элчихоналари, Израил, Германия, Бангладеш, Эрон, Покистон, Венгрия ва бошқа Давлат элчихоналаридан маданият, аньаналар, саньат, адабиёт ва турли тиллар ҳақида ахборот-кутубхона ресурсларини совға тариқасида мунтазам равишда қабул қилган.

Ўзбекистон Миллий кутубхонаси 13 та (Россия, Украина, Белоруссия, Хитой, Қирғизистон, Миср Араб Республикаси, Озарбайжон, Корея, Туркманистон, Латвия, Чехия, Туркия, Қозоғистон) хорижий давлатларнинг 19 та кутубхоналари билан ҳамкорлик тўғрисидаги меморандумларни имзолаган.

2012 йил Алишер Навоий номидаги Ўзбекистон Миллий кутубхонаси ва В.И.Вернадский номидаги Украина Миллий кутубхонаси шунингдек, Бирлашган Миллатлар Ташкилотининг Ўзбекистондаги Тараққиёт дастури билан беш йил муддатга ҳамкорлик тўғрисидаги битим имзоланди.

2013 йилда Ўзбекистон Миллий кутубхонаси ва Шанхай кутубхонаси билан Меморандум имзоланди.

2014 йилларда Ўзбекистон Миллий кутубхонаси ва Кёнхи Университети Марказий кутубхонаси (Корея Республикаси)  ўртасида ҳамкорлик тўғрисидаги Меморандум имзоланди. Ушбу Меморандум дорасида Ўзбекистон Миллий кутубхонаси томонидан Халқ таьлими Вазирлиги, Олий ва ўрта махсус таьлим Вазирлиги, Маданият ва спорт ишлари вазирлиги, Фанлар академиясининг Фундаментал кутубхонаси ва Соғлиқни сақлаш Вазирлигига қарашли бўлган Ўзбекистонлик кутубхона мутахассисларининг бир гуруҳ жамоасига  Кёнхи Университети Марказий кутубхонасига малака ошириш дастурлари уюштирилди.

2014 йил 22 декабр куни Ўзбекистон Миллий кутубхонаси, Корея Миллий кутубхонаси ва Ўзбекистондаги Корея элчихонаси билан биргаликдаги лойиҳа “Кореяга нигоҳ”  ўқув зали очилди. Лойиҳанинг асосий мақсади-фойдаланувчиларни Корея таълими, тарихи, анъаналари, сиёсий ислоҳотлар ва янги ўзгаришлар билан таништиришдан иборат.

2017 йилда Латвия Миллий кутубхонаси, Чехия Республикаси Миллий кутубхонаси, Ўзбекистондаги АҚШ элчихонаси, Туркия Миллий кутубхонаси, Белоруссия Миллий кутубхонаси ҳамда Корнелий Кекелидзе номидаги Грузия Миллий қўлёзмалар маркази билан ҳамкорлик тўғрисида меморандумлар имзоланди.

2017 йил 18 май куни Ўзбекистон Миллий кутубхонаси ва Латвия Миллий кутубхонаси ўртасида ўзаро ҳамкорликни янада мустаҳкамлаш мақсадида ҳамкорлик тўғрисидаги меморандум имзоланди ва у 2017-2022 йилларга мўлжалланган бўлиб, ўзаро давлатлар ўртасидаги хамкорликни ривожлантириш ва дўстона алоқаларни мустаҳкамлашга хизмат қилади.

2017 йил 25 сентябрь куни Ўзбекистон Миллий кутубхонаси ва Чехия Миллий кутубхонаси ўртасида ўзаро ҳамкорликни янада мустаҳкамлаш мақсадида, ҳамкорлик тўғрисидаги Меморандум имзоланди.

Ўзбекистон Республикаси Президентининг «Ўзбекистон Республикаси Президентининг Туркманистонга Давлат ташрифи давомида эришилган келишувларни амалга ошириш чора-тадбирлари тўғрисида»ги 2017 йил 28 март, №Р-4882 сонли фармойишига асосан 2011 йилда Ўзбекистон Миллий кутубхонаси ҳамда Туркманистон Миллий маданий марказининг Миллий кутубхонаси билан (ҳозирда Туркманистон Давлат маданий марказининг Давлат кутубхонаси) тузилган ҳамкорлик шартномасининг 8-бандига мувофиқ, хужжатнинг амал қилиш муддати автоматик тарзда кейинги беш йилга узайтирилади.

Ўзбекистон Республикаси Президентининг «Ўзбекистон Республикаси ва Қозоғистон Республикаси ўртасида икки томонлама ҳамкорликни янада кенгайтириш чора-тадбирлари тўғрисида»ги 2017 йил 8 апрел,  №П-4896 сонли фармойишига кўра қабул қилинган («Йўл ҳаритаси»)га асосан, Алишер Навоий номидаги Ўзбекистон Миллий кутубхонаси томонидан Қозоғистон Миллий кутубхонаси билан ҳамкорлик алоқаларини янада ривожлантириш мақсадида ҳамкорлик тўғрисидаги Меморандум ишлаб чиқилди.

Ўзбекистон Республикаси Президентининг «Ўзбекистон Республикаси ва Россия Федерацияси ўртасидаги икки томонлама стратегик ҳамкорликни ва иттифоқчилик муносабатларини янада кенгайтириш чора-тадбирлари» 2017 йил 12 апрел,  №ПҚ-2885 сонли қарорига асосан Алишер Навоий номидаги Ўзбекистон Миллий кутубхонаси томонидан Россия Давлат кутубхонаси билан ҳамкорлик алоқаларини янада ривожлантириш мақсадида ҳамкорлик тўғрисидаги Битим ишлаб чиқилди.

Ўзбекистон Республикаси Президентининг 2017 йил 13 апрель №1766-хдфу сонли буйруғи ҳамда, Вазирлар Маҳкамаси Президиумининг 2017 йил 6 май №42-а сонли «Ўзбекистон Республикаси ва Америка Қўшма Штатлари ўртасидаги 2017 йил учун икки томонлама ҳамкорликни мустаҳкамлаш бўйича режалар Дастурини («Режа ҳаритаси») амалга ошириш чора-тадбирлари тўғрисида»ги баёнига асосан Миллий кутубхона ва Тошкентдаги АҚШ элчихонаси ўртасидаги ҳамкорликни янада ривожлантириш мақсадида Меморандум лойиҳаси ишлаб чиқилди.

2017 йилнинг 22 август куни Ўзбекистон Миллий кутубхонасида Ўзбекистон Миллий кутубхонаси ва Тошкентдаги АҚШ элчихонаси ўртасидаги ҳамкорлик тўғрисидаги Меморандум лойиҳасини имзолаш тантанали маросими бўлиб ўтди.

2018 йилнинг 25 январь куни шу Меморандум доирасида ишлаб чиқилган «Америкага нигоҳ» ўқув залининг тантанали очилиш маросими бўлиб ўтди. «Америкага нигоҳ» ўқув залида энг қимматли ва фойдаланувчилар томонидан энг кўп сўраладиган нашрлар, жумладан, энциклопедиялар, луғатлар, бадиий адабиёт, ўқув қўлланмалар (TOEFL, IELTS, GRE, GMAT, SAT, LSAT, MCAT, ACT) нашрлари ва электорон китоблардан очиқ фойдаланишни ташкил этади.

Ушбу лойиҳа доирасида Ўзбекистон Миллий кутубхонаси ҳамда Ўзбекистондаги АҚШ элчихонаси билан биргаликда  ҳар ойда инглиз тилида Америкага оид тақдимотлар, семинарлар ва сўзлашув клублари ўтказилади.

2017 йилнинг 18 сентябрь куни Ўзбекистон Миллий кутубхонаси ва Белоруссия Миллий кутубхонаси ўртасида ўзаро ҳамкорликни янада мустаҳкамлаш мақсадида, ҳамкорлик тўғрисидаги Меморандум имзоланди.

Ўзбекистон Республикаси Президентининг «Ўзбекистон Республикаси ва Туркия Республикаси ўртасида икки томонлама ҳамкорликни янада мустаҳкамлаш ва кенгайтириш чора-тадбирлари тўғрисида»ги 2017 йил 10 октябрь куни,  №ПП-3363 сонли фармойишига кўра қабул қилинган («Йўл ҳаритаси»)га асосан, Алишер Навоий номидаги Ўзбекистон Миллий кутубхонаси томонидан Туркия Миллий кутубхонаси билан ҳамкорлик алоқаларини янада ривожлантириш мақсадида ҳамкорлик тўғрисидаги Меморандум ишлаб чиқилди. Президент Ш. Мирзиёевнинг Туркия Республикасига Давлат ташрифи давомида 2017 йилнинг 25 октябрь куни Алишер Навоий номидаги Ўзбекистон Миллий кутубхонаси ва Туркия Миллий кутубхонаси ўртасидаги ҳамкорлик тўғрисидаги Меморандум имзоланди.

Ўзбекистон Республикаси Президентининг 2017 йил 27 сентябрь 5651-хдфу сонли буйруғи ҳамда, Вазирлар Маҳкамаси Президиумининг 2017 йил 9 октябрь 98-сонли «2017 йил 20 сентябрь куни Нью-Йорк шахрида БМТ Бош Ассамблеясининг 72-сессияси доирасида Ўзбекистон Республикаси Президенти Ш.Мирзиёевнинг Грузия Бош вазири Б.Квирикашвили билан бўлиб ўтган учрашувида эришилган келишувларни ўз вақтида ва тўлиқ амалга оширишни таъминлаш чора тадбирлари тўғрисида»ги  баёнига асосан Ўзбекистон Миллий кутубхонаси ва Корнелий Кекелидзе номидаги Грузия Миллий қўлёзмалар маркази ўртасида ҳамкорлик тўғрисида Меморандум лойиҳаси ишлаб чиқилди ҳамда 14 декабрь куни Алишер Навоий номидаги Ўзбекистон Миллий кутубхонасида ҳамкорлик тўғрисидаги Меморандум имзоланди.

Халқаро алоқаларни ташкил этиш хизмати, шунингдек, ЮНЕСКО ишлари бўйича Миллий комиссия, ЮНЕСКОнинг Ўзбекистондаги ваколатхонаси, БМТ тараққиёт лойиҳаси, ЮНИСЕФ, Тошкентдаги Гёте институти ва кўплаб бошқа ташкилотлар билан биргаликда ҳамкорлик олиб боради. 2012-2017 йиллардаги “ИНФОЛИБ” Миллий ахборот-кутубхона хафталиги доирасида  Британия Кенгаши, АҚШ, Корея, Изроил, Озарбайжон, Германия, Япония ва бошқа Республикалар элчихоналари билан биргаликда таьлимга доир тадбирлар ўтказилиб келинади.

 

 

КУТУБХОНА ТАВСИЯ ЭТАДИ
ТАҚВИМ