Bosh sahifa > Yangi kelib tushgan nashrlar > Alisher Navoiy nomidagi O’zbekiston Milliy kutubxonasida 2017 yil davomida eng ko’p foydalanilgan nashrlar statistikasi

Alisher Navoiy nomidagi O’zbekiston Milliy kutubxonasida 2017 yil davomida eng ko’p foydalanilgan nashrlar statistikasi

O‘zbekiston Respublikasi Prezidenti Sh.Mirziyoevning 2017 yil 12 yanvardagi “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ibot qilish bo‘yicha komissiya tuzish to‘g‘risida”gi farmoyishida belgilangan vazifalardan kelib chiqib, foydalanuvchilar talablarini o‘rganish maqsadida buyurtmalar tahlil qilindi. Kutubxonada foydalanuvchilar uchun asosiy fondlar, yordamchi va ochiq fondlardan buyurtma berish imkoni yaratilgan. Milliy kutubxonaning Adabiyotlarni berish va dispetcherlik xizmati adabiyotlar berish kafedralarida (asosiy fondlarga berilgan buyurtmalar asosida) Yil davomida foydalanuvchilar tomonidan eng ko‘p mutolaa qilingan kitoblar, gazeta va jurnallar aniqlandi.
Natijalar jamlanmasi har oy yakunida o‘tkazildi. Ro‘yxatga o‘nlab mashhur kitoblar kiritildi (jami 65 nomdagi 24 muallif asarlari ko‘rib chiqildi).


Hisobot davrida jami adabiyotlar berilishi 4060529 tashkil etdi, jumladan: 1625857 nashr Adabiyotlarni berish va dispetcherlik xizmatiga to‘g‘ri keldi. Undan 376840 nusxasini kitoblar tashkil etdi. Adabiyotlarni berish kafedralarida buyurtma qilingan kitoblar fan sohalari bo‘yicha quyidagi jadvalda aks etgan:


Mutolaa qilish reytingi adabiyotlarga bo‘lgan buyurtmalar asosida aniqlandi.
Ijtimoiy-siyosiy adabiyotlarga bo‘lgan buyurtmalar 89893 tani tashkil etib, reytingning 1-pog‘onasidan o‘rin egalladi. Soha bo‘yicha eng ko‘p foydalanilgan kitoblar, asosan, O‘zbekiston siyosati, xalqaro munosabatlar, davlat va huquq nazariyasi, tarix, falsafa, siyosatshunoslikka oid adabiyotlardir. Ijtimoiy-siyosiy adabiyotlar orasida eng ko‘p o‘qilgan kitoblar beshtaligidan quyidagilar o‘rin oldi:


Foydalanuvchilar orasida badiiy adabiyot va tilshunoslikka oid adabiyotlarga ham talab kuchli. Badiiy adabiyot va tilshunoslik sohasi bo‘yicha buyurtmalar 83150 tani tashkil etib, reytingning 2-qatoridan joy oldi. O‘zbek va xorijiy yozuvchilar tomonidan yozilgan badiiy asarlar tarjimalari, xalq og‘zaki ijodi, o‘zbek xalq maqollari, tilshunoslikka oid nashrlar eng ko‘p so‘ralgan adabiyotlar sifatida e’tirof etildi.

Tabiiy fan va tibbiyot bo‘yicha buyurtmalar (75368 ta) bu soha bo‘yicha kitob o‘qilishi reytingining 3-pog‘onasidan o‘rin oldi. Foydalanuvchilar tomonidan eng ko‘p mutolaa qilingan kitoblar orasida “Sog‘lom turmush tarzi asoslari (Valeologiya)” yetakchi o‘rinni egalladi.

Texnika va qishloq xo‘jaligiga doir o‘qilgan kitoblar jami 67586 tani tashkil etdi. Bu fan sohasi bo‘yicha ko‘p so‘ralgan kitoblar orasida «S va S++», «Arxitektura konstruksiyasi», «Fermer xo‘jaligini tashkil etish va uning huquqiy asoslari», “Chizmachilik”, “Tikuvchilik korxonalari jihozlari va uskunalari” nomli adabiyotlar yetakchilik qildi.

Madaniyat, san’at va sport sohasida o‘qilgan kitoblar 60843 tani tashkil etib, reytingimizning 5- pog‘onasidan o‘rin oldi. Ular orasidan eng ko‘p o‘qilgan 5 ta kitob bilan quyidagi jadvalda tanishishingiz mumkin:

Foydalanuvchilar tomonidan kitoblar bilan birga vaqtli matbuot nashrlariga ham buyurtmalar amalga oshirilgan. Vaqtli matbuot nashrlari tahlili ham o‘tkazildi. Jami vaqtli matbuot nashrlariga buyurtmalar (gazeta va jurnallarga) 1249017nusxani tashkil etdi. Shundan 845857 tasi gazetalar hisobiga to‘g‘ri keldi. Undan eng ko‘p so‘ralgan 5 nomdagi gazetalar (676686 ta) umumiy buyurtma qilingan gazetalarning qariyb 80% ni tashkil etdi.

Kutubxona foydalanuvchilarining vaqtli matbuot nashrlariga qiziqishlarining ortib borayotganini adabiyotlarni berish va dispetcherlik xizmati (kitob berish kafedralari ) orqali jurnallarga bo‘layotgan buyurtmalarda ham ko‘rish mumkin. Yil davomida jurnallarga jami 403160 ta buyurtma bo‘lgan. Shundan eng ko‘p so‘ralgan 5 nomdagi 262054 ta jurnallar buyurtmalarning 65 foizini tashkil etdi. Bular quyidagilar:

 

KUTUBXONA TAVSIYA ETADI
TAQVIM