Bosh sahifa > Yangi kelib tushgan nashrlar > O‘zbekiston Milliy kutubxonasida 2017 yil aprel oyida o‘tkazilishi rejalashtirilayotgan tadbirlar:

O‘zbekiston Milliy kutubxonasida 2017 yil aprel oyida o‘tkazilishi rejalashtirilayotgan tadbirlar:

1 aprel kuni “Kashfiyot” zalida O‘zbekistan FA akademigi, O‘zbekistonda xizmat ko‘rsatgan fan arbobi, professor, adabiyotshunos Botir Valixo‘jaev (1932-2005) tavalludining 85 yilligiga “Adabiyot fani bilimdoni” deb nomlangan kitob ko‘rgazmasi;

3 aprel kuni soat 15:00da Xalqaro kulgi kuniga (1 aprel) bag‘ishlangan, artist Xusan Musaboev ishtirokida “Bozor ko‘rmagan yigit” deb nomlangan ijodiy kecha;

4 aprel kuni soat 10:00da Xalqaro bolalar adabiyoti kuniga (2 aprel) bag‘ishlangan “Kitob ezgulikka chorlaydi” deb nomlangan adabiy viktorina hamda “Istiqbol” zalida kitob ko‘rgazmasi;

4 aprel kuni “Ilm” zalida O‘zbekiston FA akademigi, biologiya  fanlari doktori, professor Abdusattor Abdukarimov (1942) tavalludining 75 yilligiga bag‘ishlangan adabiyotlarning ochiq ko‘rgazmasi;

5 aprel kuni soat 15:00da katta majlislar zalida Aleksandr Chilyakovning “Jemchujinы cheshskoy poezii” deb nomlangan kitob taqdimoti va Respublika baynalmilal madaniyati markazi ishtirokida adabiy musiqiy kecha;

6 aprel kuni soat 14:00da katta majlislar zalida buyuk sarkarda, Sohibqiron Amir Temur  tavallud topgan kunga (9 aprel) bag‘ishlangan tarix fanlari doktori Shohista O‘ljaevaning “Amir Temur davlat boshqaruvi” nomliy kitobining taqdimoti va “Tafakkur” zalida “Sohibqiron Amir Temurga ehtirom” mavzusidagi adabiyotlarning ochiq ko‘rgazmasi;

10 aprel kuni soat 15:00da katta majlislar zalida “BIG PICTURE” nodavlat ta’lim muassasasi bilan hamkorlikda “Ingliz va Dasturlash tillarini hozirgi zamondagi o‘rni va ularni qisqa muddatda samarali o‘rganish metodlari” deb nomlangan seminar;

11 aprel kuni soat 15:00da kichik majlislar zalida Ilm-fan kuniga (15 aprel) bag‘ishlangan O‘zbekistonda xizmat ko‘rsatgan fan arbobi, FA akademigi Jo‘ra Abdullaev bilan ijodiy uchrashuv; “Kashfiyot” zalida “Ilm-fan yutuqlari va taraqqiyoti” nomliy kitob rasmliy ko‘rgazma;

12 aprel kuni “Istiqbol” zalida butunjahon aviatsiya va kosmonavtika kuniga bag‘ishlangan kitob ko‘rgazmasi;

12 aprel kuni soat 9:00 da katta majlislar zalida Respublika bolalar ijtimoiy moslashuv markazi bilan hamkorligida “Bolalarni ma’naviy va jismoniy rivojlanishida axborot havfsizligini ta’minlashning dolzarb masalalari” mavzusidagi ilmiy-amaliy konferensiya;

12 aprel kuni soat 15:00da katta majlislar zalida sharqshunos olim, diplomat, Shamsiddinxon Boboxonovning 80 yilligiga bag‘ishlangan xotira kechasi;

13 aprel kuni soat 15:00da katta majlislar zalida Bahodir Abdullaevning “Kapalak umriga qiyos lahzalar” deb nomlangan kitob taqdimoti;

14 aprel kuni soat 15:00da katta majlislar zalida O‘zbekiston xalq artisti, operator, rejissyor Malik Qayumov (1912-2010) tavalludining 105 yilligiga bag‘ishlangan xotira kechasi va “Ijod” zalida adabiyotlarning ochiq ko‘rgazmasi;

15 aprel kuni  “Ijod” zalida italyan rassomi, uyg‘onish davri olimi Leonardo da Vinchi (1452-1519)  tavalludining 565 yilligiga bag‘ishlangan kitob ko‘rgazmasi;

18 aprel kuni “Istiqbol” zalida Xalqaro yodgorliklarni va tarixiy joylarni asrash kuniga bag‘ishlangan adabiyotlarning ochiq ko‘rgazmasi;

20 aprel kuni “Ilm” zalida O‘zbekiston Fanlar akademiyasi a’zosi, genetik olim, O‘zbekistonda xizmat ko‘rsatgan agronom Abram Malsev tavalludining (1897-1963) 120 yilligiga bag‘ishlangan kitob ko‘rgazmasi;

20 aprel kuni soat 15:00da katta majlislar zalida Ashurali Jo‘raevning Botir Zokirov xotirasiga bag‘ishlangan “Yurak bo‘ronlari” deb nomlangan kitobi taqdimoti;

25 aprel kuni “Istiqbol” zalida “Kamolot” yoshlar ijtimoiy harakati tashkil topgan kunga bag‘ishlangan adabiyotlarning ochiq ko‘rgazmasi;

29 aprel kuni  Xalqaro raqs kuniga bag‘ishlab “Ijod” zalida “Raqs –asl go‘zallik ramzi” deb nomlangan adabiyotlarning ochiq ko‘rgazmasi.

Tadbirlar ro‘yxatiga o‘zgartirishlar va qo‘shimchalar kiritilishi mumkin

 

KUTUBXONA TAVSIYA ETADI
TAQVIM