Bosh sahifa > O`ZBEKISTON MILLIY KUTUBXONASINING "ELEKTRON HUKUMAT" TIZIMIDAGI ISHTIROKI

O`ZBEKISTON MILLIY KUTUBXONASINING "ELEKTRON HUKUMAT" TIZIMIDAGI ISHTIROKI
 O‘zbekiston Milliy kutubxonasida “Elektron hukumat” tizimi doirasida amalga oshirilayotgan amaliy ishlarto‘g‘risida MA’LUMOTNOMA
 

O‘zbekiston Milliy kutubxonasida Respublikada joriy qilinayotgan “Elektron hukumat” tizimi doirasida, zamonaviy axborot tizimlarini qo‘llash orqali fuqarolarga axborot-kutubxona xizmatiniko‘rsatish darajasini oshirish, markazlashgan elektron bazalarni yaratish, boshqa davlat organlari axborot tizimlari bilan elektron tarzda ma’lumot almashishni tashkillashtirish bo‘yicha bir qator ishlar amalga oshirilmoqda.
Jumladan, “Qonun hujjatlari ma’lumotlari Milliy bazasi (LexUZ tizimi) yanada rivojlantirilmoqda. Shuningdek, “Fuqarolik holati dalolatnomalari yozuvlari yagona elektron arxivi”, “Notariuslar ma’lumotlarining avtomatlashtirilgan tizimi” va Sud Departamentining “E-Ijro” axborot tizimlari yaratilmoqda.
Adliya vazirligi tomonidan Qonun hujjatlari ma’lumotlari milliy bazasiga (LexUZ tizimi) ham bir qator yangiliklar kiritilmoqda. Xususan, 2014 yilda tizimning asosiy sahifasi qayta ishlandi. Hujjatlarni izlash tizimi yanada takomillashtirildi. Zamonaviy hamda ommabop Android-tizimli mobil telefonlarda ishlash uchun maxsus dasturiy vosita ishlab chiqildi. Yangilanish natijasida tizim foydalanuvchilari soni yanada oshdi. O‘rtacha bir oyda foydalanuvchilar soni 60 mingni tashkil etmoqda.
Yagona davlat interaktiv xizmatlari portalini (YaDIXP) rivojlantirish bo‘yicha, vazirlik tomonidan murojaatlarni o‘z vaqtida va sifatli ko‘rib chiqish bo‘yicha bir qator ijobiy ishlar amalga oshirildi. Jumladan, jismoniy va yuridik shaxslardan kelib tushgan murojaatlar uchun maxsus nomenklatura jurnali ochilgan bo‘lib, yangi kelib tushgan murojaatlarni mutaxassislar tomonidan muntazam tekshirish yo‘lga qo‘yilgan. Barcha kelib tushgan murojaatlar ichki elektron hujjat aylanish tizimida ro‘yxatga olinadi va ijrosi nazorat qilinadi.
Ta’kidlab o‘tish o‘rinliki, “FHDYo organlari yagona elektron arxivi” (FHDYo YaEA) axborot tizimi Respublikada axolining yagona ma’lumotlar bazasining muhim qismi hisoblanadi. Chunki aynan FHDYo organlari tomonidan tug‘ilish, nikoh va o‘lim qayd etiladi.
Yagona FHDYo YEAni yaratish:

– fuqarolik holati aktlari yagona ma’lumotlar bazasini yaratish, FHDYo YaEAni shakllantirish va uni saqlash; 

– Adliya vazirligi axborot-kommunikatsiya ta’minotini (keyingi o‘rinlarda AKT deb yuritioladi) rivojlantirish va takomillashtirish; 

– FHDYo organlari xodimlarini to‘liq va ishonchli ma’lumot bilan o‘z vaqtida ta’minlash; 

– fuqarolik holati dalolatnomalaridan foydalanishga vakolatli bo‘lgan davlat organlarining so‘rovlariga to‘liq va ishonchli ma’lumot taqdim etish; 

– tizimni markazlashgan holda boshqarish; 

– tizimda axborot xavfsizligini ta’minlash imkoniyatini beradi. 

Hozirda FHDYo organlarini yagona tarmoqqa ulangan, maxsus dasturiy ta’minot yaratilgan bo‘lib, dastur orqali dalolatnoma yozuvlarini kiritish, hisobini yuritish, saqlash, yagona ma’lumotnomalardan (klassifikatorlardan) foydalanish, hisobotlarni tayyorlash imkoniyatlari yaratildi.
Vazirlik tomonidan yaratilayotgan yana bir tizim bu “Notarius” axborot tizimi.
Tizimning asosiy maqsadi va vazifalari qo‘yidagilardan iborat:
 

– barcha notarial idoralarini yagona axborot tizimiga birlashtirish; 

– aholiga ko‘rsatilayotgan xizmatlarni tezkorligini oshirish; 

– barcha hisobot shakllarini va blankalarni elektron shaklga o‘tkazish; 

– notariuslarning boshqa tashkilotlar bilan elektron ma’lumot almashuvini yo‘lga qo‘yish; 

– notarial xarakatlar natijasida fuqarolarga o‘tadigan mulkni soliqqa tortish tizimini takomillashtirish; 

– notarial harakatlarning sir saqlanishi uchun shart-sharoitlarni yaratish va bu asosda hujjatlar va arxiv materiallarning but saqlanishini ta’minlash hamda bu sohada qonunbuzarliklarni oldini olish ko‘zda tutilmoqda.
Mazkur tizim notariat sohasidagi elektron ma’lumot almashuvining dastlabki bosqichi bo‘lib, keyinchalik sudlar, Yergeodezkadastr xizmati, Sud departamenti, ichki ishlar, FHDYo, soliq organlari va boshqa davlat organlarining axborot tizimlari bilan ma’lumot almashuvini yo‘lga qo‘yilishi rejalashtirilgan.
Shuningdek, Sud Departamenti tomonidan ijro hujjatlarining elektron ma’lumotlar bazasini yaratish, ular hisobini yuritish hamda sud qarorlari, qonun hujjatlarida belgilangan organlarning hujjatlarini ijro etish muddatlariga rioya etilishini nazorat qilish, ijro hujjatlaridagi undiruv hisobini yuritish, statistik hisobotlarni avtomatik tarzda tayyorlash maqsadida “E-Ijro” tizimi ishlab chiqilmoqda.
“E-Ijro” tizimi ijro ishi, alimentlarni o‘ndirish, O‘zbekiston Respublikasi Vazirlar Mahkamasining 2009 yil 15 iyuldagi 200-son “Davlat daromadiga o‘tkaziladigan mol-mulkni olib qo‘yish, sotish yoki yo‘q qilib tashlash tartibini takomillashtirish to‘g‘risida”gi qarori asosida ijro ishini yuritish, mol-mulk qidiruvi, qidiruvga e’lon qilingan qarzdor shaxslar, avtomototransport vositalari, olib berilishi lozim bo‘lgan bolalar, ma’muriy va jinoiy jarimaga tortilgan shaxslar, arxiv va hisobotlar, boshqa tashkilotlar bilan ma’lumot almashinuvini tashkil qilish bo‘limlaridan iborat.
“E-Ijro” tizimini yaratish ishlari 4 bosqichda amalga oshirish rejalashtirilgan.
Hozirda “E-Ijro” tizimining birinchi bosqichi sinov tariqasida ishga tushirilgan.
Bundan tashqari, mol-mulkni qidiruv sohasida Sud Departamenti tomonidan Kadastr qo‘mitasi, Soliq qo‘mitasi, elektron aloqa almashinuvi tashkil etilgan.
Vazirlikning 2011 yil 12 noyabrdagi 103-um-son buyrug‘i bilan Vazirlik tizimida AKTni joriy etish va rivojlantirishga mas’ul etib vazir o‘rinbosari Usmanov Anvar Akramovich tayinlangan. Adliya vazirining 2013 yil 31 yanvardagi 14-um-son qaroriga asosan AKTni tatbiq etish va rivojlantirish, informatsion xavfsizlikni ta’minlash, dasturiy ta’minotni kuzatib borish Adliya vazirligi huzuridagi Huquqiy axborot bilan ta’minlash markaziga yuklatilgan.
Belgilangan vazifalarni amalga oshirish maqsadida adliya vazirining 2013 yil 8 oktabrdagi 212-um-son buyrug‘i bilan telekommunikatsiyalarni boshqarish va informatsion xavfsizlikni ta’minlash, informatsion tizim yaratish va uni ishga tushirish maqsadida Markaz nizomi va yangilangan tuzilma tasdiqlandi.
Vazirlik tomonidan “Vazirlikda AKTni rivojlantirish konsepsiya”si ishlab chiqilgan va ushbu konsepsiyani amalga tadbiq etish mumkinligi to‘g‘risida O‘zbekiston Respublikasi axborot texnologiyalari va kommunikatsiyalarni rivojlantirish vazirligi ekspert xulosasi olingan.
O‘zbekiston Respublikasi Vazirlar Mahkamasining Rayosatining 2012 yil 27 fevraldagi yig‘ilish bayoni ijrosi yuzasidan vazirlikda AKT holati tahlil qilingan va “Adliya organlarida va muassasalarida axborot texnologiyalarini joriy qilish orqali kompyuter texnikasi va elektron hujjat almashish samaradorligini oshirish bo‘yicha chora-tadbirlar rejasi” ishlab chiqildi va Vazirlar Mahkamasi tomonidan.
O‘zbekiston Respublikasi axborot texnologiyalari va kommunikatsiyalarni rivojlantirish vazirligining xabariga ko‘ra AKT ni holatini baholash tizimi bo‘yicha 2014 yil 4-chorak natijalariga ko‘ra 75.8% deb baholangan.
Vazirlikning markaziy apparati, hududiy adliya boshqarmalari va muassasalari, FHDYo bo‘limlarida lokal kompyuter tarmoqlari joriy qilingan.
Vazirlik rahbariyati va boshqarma boshliqlari uchun Internetga chiqish uchun foydalanuvchi nomi va parolidan foydalanish, boshqa hodimlar vazirlik kutubxonasida o‘rnatilgan kompyuter orqali kirish yo‘lga qo‘yilgan.
Adliya vazirligi xodimlari ishining tezkorligi va samaradorligini oshirish, ijro nazoratini kuchaytirish hamda qog‘oz sarfini qisqartirish maqsadida “Justice” elektron hujjat aylanish tizimi ishga tushirilgan.
Adliya vazirligi tomonidan joriy qilingan Qonun hujjatlari ma’lumotlari milliy bazasiga (LexUZ tizimi) ham bir qator yangiliklar kiritildi. Jumladan, tizimning asosiy sahifasi qayta ishlandi. Hujjatlarni izlash tizimi takomillashtirildi. Zamonaviy hamda ommabop Android-tizimli mobil telefonlarda ishlash uchun maxsus dasturiy vosita ishlab chiqildi. Yangilanish natijasida tizim foydalanuvchilari soni yanada oshdi. O‘rtacha bir oyda foydalanuvchilar soni 90 mingtani tashkil etmoqda.
Yagona davlat interaktiv xizmatlari portalini (YaDIXP) rivojlantirish bo‘yicha Adliya vazirining 93-um-son buyrug‘i qabul qilingan bo‘lib, vazirlik tomonidan murojaatlarni o‘z vaqtida va sifatli ko‘rib chiqish bo‘yicha bir qator amaliy ishlar qilingan, shu jumladan, murojaatlar uchun maxsus nomenklatura jurnal ochilgan. Mutaxassislar tomonidan yangi kelib tushgan murojaatlarni kuniga 3 martadan tekshirish yo‘lga qo‘yilgan. Barcha kelib tushgan murojaatlar ichki elektron hujjat aylanish tizimida ro‘yxatga olinadi va ijrosi nazorat qilinadi. YaDIXP da davlat notarial idoralari va FHDYo organlari tomonidan ko‘rsatiladigan xizmatlar ro‘yxati va xizmat uchun haqlar muddati joylashtirilgan. Bo‘sh ish o‘rinlari to‘g‘risidagi ma’lumotlar ham joylashtirish yo‘lga qo‘yilgan.
Vazirlar Mahkamasining 2013 yil 31 dekabrdagi 355-sonli “O‘zbekiston respublikasida axborot-kommunikatsiya texnologiyalarini rivojlantirish holatini baholash tizimini joriy etish chora-tadbirlari to‘g‘risida”gi qaroriga muvofiq Adliya vazirligining rasmiy veb-sayti modernizatsiya qilindi. Ushbu ishlar natijasida rasmiy veb-saytning mobil qurilmalar uchun maxsus ko‘rinishi, imkoniyati cheklangan shaxslar uchun qulayliklar, bosh sahifaning dizayni yangi ko‘rinishi, yangi bo‘limlar va boshqalar ishga tushirildi. Vazirlar Mahkamasining 2007 yil 23 avgustdagi 181-son qaroriga muvofiq bazaviy interaktiv davlta xizmatlari joriy qilingan. Bundan tashqari, “Interaktiv xizmatlar” bo‘limida “Nodavlat notijorat tashkilotlar uchun ma’lumotlar”, “Hujjatlar va blankalar”, “Savollar”, “Notarius kalkulyatori” kabi xizmatlar joriy qilingan.
O‘zbekiston Respublikasi Adliya vazirligi va Axborot texnologiyalari va kommunikatsiyalarni rivojlantirish vazirligi bilan hamkorlikda litsenziyalash va ruxsatnomalarlar to‘g‘risidagi ma’lumotlar joylashtirilgan www.license.uz sayti yuritilmoqda.
2012 yil dekabr oyida Vazirlar Mahkamasining 2011 yil 27 oktabrdagi 289-son qarorga muvofiq vazirlik xodimlari kompyuter savodxonligi bo‘yicha attestatsiyadan o‘tkazilgan. 2013 yil Huquqiy aborot markazi xodimlari KSBT Plus yo‘nalishi bo‘yicha attestatsiyadan o‘tkazildi va maxsus sertifikatsiyalar olinishi ta’minlandi.
2014 yil noyabr oyida Toshkent axborot texnologiyalari universiteti bilan hamkorlikda axborot texnologiyalari bo‘yicha malaka oshirish vazirlik xoimdlariga o‘quv mashg‘ulotlari o‘tkazildi.  

“Elektron hukumat” tizimini rivojlantirish markazi: asosiy vazifalar, istiqbol rejalar 

Axborot kommunikatsiya texnologiyalari (AKT) taraqqiy etishi bilan hayotimizni qulayliklar bilan boyitish maqsadida taqdim etilayotgan tejamkor va ishonchli imkoniyatlardan biri «Elektron hukumat» tizimining joriy etilishidir. Ma’lumki, «Elektron hukumat» tizimi jahon amaliyotida o‘zining afzalliklarini namoyon etib ulgurgan tizim hisoblanadi. O‘zbekistonimizda ham keng miqyosda rivojlanib borayotgan mazkur tizim mamlakatimiz davlat hokimiyati organlari, biznes sohasi, ayniqsa, fuqarolarga turli davlat xizmatlarini ko‘rsatish bilan axborot xizmatini taqdim etadi. Mazkur dolzarb masala haqida batafsil ma’lumotlar olish maqsadida O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasi huzuridagi “Elektron hukumat” tizimini rivojlantirish markazi direktori Sherzod Habibullaevga quyidagi savollar bilan murojaat etdik. 

“Elektron hukumat” tizimini rivojlantirish markazining asosiy vazifalari nimalardan iborat? 

- O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasi huzuridagi “Elektron hukumat” tizimini rivojlantirish markazi (keyingi o‘rinlarda markaz) “Elektron hukumat” tizimi borasida jahondagi rivojlanish odimlari hamda xorijiy mamlakatlar tajribasini tahlil qilish va tadqiq etish asosida takomillashtirish va yanada rivojlantirishning strategik yo‘nalishlarini ishlab chiqish maqsadida tashkil etilgan.
Bundan tashqari, markaz davlat organlarida foydalaniladigan ma’lumotlar bazasi va axborot-resurslarini loyihalashtirish, ishlab chiqish va mujassamlashtirish mexanizmini nazarda tutadigan “Elektron hukumat” tizimini shakllantirishga yagona texnologik yondashuvni ta’minlashi, loyihalarini amalga oshirishni ta’minlovchi me’yoriy-huquqiy bazaning tashkil etilishiga yordam berishi zarur. Markazning muhim vazifalaridan yana biri davlat organlari faoliyatining funksional va operatsiya jarayonlarini tizimli asosda qayta tashkil etish, davlat xizmatlari ko‘rsatish bilan bog‘liq biznes jarayonlarini boshqarishning innovatsion mexanizmlarini joriy etish, takomillashtirish va optimallashtirish bo‘yicha takliflar tayyorlashdan iboratdir. Shuni ham ta’kidlash lozimki, markaz “Elektron hukumat” tizimining samarali joriy etilishi uchun amaldagi me’yoriy-huquqiy bazani takomillashtirish bo‘yicha tahlil va takliflarni tayyorlaydi.
Shu bilan birga, markaz tizimli monitoring o‘tkazish, axborot-kommunikatsiya texnologiyalarini joriy etish holati va rivojlantirishga baho berish, jumladan, axborot tizimlari va resurslaridan foydalanish samaradorligini o‘rganish, shuningdek, «Elektron hukumat» tizimi doirasida davlat organlari faoliyatiga AKTni joriy etishning samaradorligini baholashning reyting tizimini yuritish ishlarini olib boradi.
Bundan tashqari, “Elektron hukumat» tizimi loyihalarini amalga oshirishda interaktiv davlat xizmatlarini taqdim etish va foydalanish samarali tayanch ko‘rsatkichlari usullarini ishlab chiqish ham markazning muhim vazifalaridan hisoblanadi. Yana shuni ham ta’kidlash zarurki, O‘zbekistonda elektron hukumat tizimini joriy etish: interaktiv xizmatlar imkoniyatini taqdim etish; hokimiyat organlari hisobotlarining ochiq-oydinligi; xizmatlarga ulanishning qulayligi va individuallashtirilganligi; siyosiy jarayonlarda fuqarolar ishtirokining axborotlashganligi va natijaliligi; axborotlarning erkin almashinuvi; aholi va biznes sohasiga davlat xizmatlari ko‘rsatishni optimallashtirish; fuqarolar o‘z-o‘ziga xizmat imkoniyatlarini qo‘llab-quvvatlash va kengaytirish; mamlakat rahbariyatining barcha saylovlar hamda davlat boshqaruvi jarayonlarida ishtiroklari darajasini oshirish va boshqalarni yanada yaxshilashga qodir davlat boshqaruvining mukammal elektron apparatini yaratishdan iborat. 

Markaz va mintaqaviy bo‘linmalar tashkiliy tuzilmasi va ularda faoliyat yurituvchi xodimlar tarkibi borasida to‘xtalsangiz 

- O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasi huzuridagi “Elektron hukumat” tizimida har biri o‘z vazifalariga ega bo‘lgan, bir necha bo‘limdan tashkil topgan quyidagi yettita departament mavjud:
Strategik rejalashtirish va prognozlash departamentining vazifalari - “Elektron hukumat» tizimini joriy etish va yanada rivojlantirish rejalarini tuzish, zamonaviy va xalqaro tendensiyalarning tayanch rivojlanish yo‘nalishlarini belgilash, shuningdek, tizimni samarali joriy etishga ta’sir etuvchi dalillarni jamlash va tahlil etish, maxsus tadqiqotlarni tayyorlashdan iborat.
Operatsion va funksional jarayonlarini optimallashtirish departamenti mavjud jarayonlar bo‘yicha tahlil o‘tkazish hamda davlat va xo‘jalik boshqaruv organlari faoliyati jarayonlari operatsion va funksional jarayonlarini tizimli optimallashtirish bo‘yicha takliflar ishlab chiqish, “Elektron hukumat» tizimini joriy etish doirasida aholi va tadbirkorlik sub’ektlariga davlat xizmatlarini ko‘rsatishni takomillashtirish bo‘yicha takliflar tayyorlash, shuningdek, interaktiv davlat xizmatlarini ko‘rsatish va foydalanishda samarali ko‘rsatkichlarni aniqlash usullarini ishlab chiqish bilan shug‘ullanadi.
AKTni joriy etish holatini tahlil etish va holatini baholash departamentining asosiy vazifalariga: davlat va xo‘jalik boshqaruv organlari, mahalliy hokimiyat organlari, shuningdek, mintaqalarda AKT joriy etilishi holatining monitoringi, davlat va xo‘jalik boshqaruv organlariga AKT joriy etilishi holatini tahlil etish va baholash kiradi.
Elektron hukumat axborot tizimini rivojlantirish departamenti majburiyatlariga elektron hukumat arxitekturalarini va axborot tizimlari majmuasini rivojlantirish, shuningdek, axborot tizimlarida ekspertiza o‘tkazish vazifalari kiradi.
Navbatdagi bo‘linma – Elektron hukumat axborot-resurslarini rivojlantirish departamenti – elektron hukumat ma’lumotlar bazasini markazlashtirish, idoraviy axborot-resurslari, shuningdek, interaktiv xizmatlar yagona portalini rivojlantirish bilan shug‘ullanadi.
Mintaqalarda “Elektron hukumat» tizimini rivojlantirish departamenti – kompyuterlashtirish markazlarini muvofiqlashtirish va mintaqalarda foydalanuvchilarni qo‘llab-quvvatlash markazlarini rivojlantirish ishlari bilan shug‘ullanadi.
Bulardan tashqari, markaz tarkibida Ixtisoslashgan tuzilmaviy bo‘linmalar faoliyatlarini muvofiqlashtirish departamentiham faoliyat yuritadi, uning majburiyatlariga davlat organlari va xo‘jalik boshqaruv organlari, shuningdek, mahalliy hukumat organlari maxsus bo‘linmalarining faoliyatlarini muvofiqlashtirish kiradi. Yuqorida sanab o‘tilgan departamentlardan tashqari, Markaz tuzilmasiga moliyaviy, xalqaro, shuningdek, boshqa bo‘lim ma’muriy xodimlari xizmatlari ham kiradi.
Markaz xodimlari tarkibi – juda xilma-xil bo‘lib, ham ko‘p yillik tajribaga ega, ham yosh mutaxassislardan tashkil topgan. Markazni malakali xodimlar bilan to‘liq ta’minlash uchun hozirgi vaqtda 500dan ortiq nomzod-izlanuvchilar rezyume (ma’lumotnomalari) ko‘rib chiqilmoqda.
Hozirgi davrda markazda 74 nafar xodim faoliyat yuritadi. Ulardan, 5 nafari «Iste’dod» Respublika Prezidenti jamg‘armasi granti sohiblari, bir xodimimiz O‘zbekiston Respublikasi Prezidenti huzuridagi Davlat Boshqaruvi Akademiyasining doktorlik ilmiy darajasi izlanuvchisi, 2 nafar xodim Toshkent axborot texnologiyalari universiteti hamda Jahon iqtisodiyoti va diplomatiyasi universiteti doktorlik ilmiy darajasi izlanuvchilaridir, 35 nafar xodim magistr, 36 nafari bakalavr darajasiga ega mutaxassis, 10 nafar xodim AQSh, Buyuk Britaniya, Janubiy Koreya, Germaniya, Avstraliya, Shveysariya, Rossiya kabi xorijiy mamlakatlar oliy ta’lim muassasalarida tahsil olgan mutaxassislar, shuningdek, 10 nafari chet ellarda malaka oshirganlik sertifikatiga ega xodimlardir.
Shuni ham ta’kidlash zarurki, markaz malakali xodimlarni saralab olishga yo‘naltirilgan o‘z ishlarini davom ettirib, Toshkent shahridagi 12ta yetakchi oliy ta’lim muassasalari, xususan, Jahon Iqtisodiyoti va Diplomatiyasi Universiteti, Toshkentdagi Xalqaro Vestminster Universiteti, Toshkentdagi Menejmentni rivojlantirish Singapur instituti va boshqa OTMlarning bitiruvchi hamda magistrlari bilan uchrashuv-suhbatlar o‘tkazmoqda. Mazkur oliy ta’lim muassasalari bitiruvchilaridan ko‘plab rezyume (ob’ektivkalar) qabul qilingan. Ularning safidan munosiblarini saralab olish hamda kelgusida Toshkent axborot texnologiyalari universiteti qoshidagi «Elektron hukumat» o‘quv markazida malaka oshirishlarini rejalashtirganmiz. Shundan keyin muvaffaqiyat bilan attestatsiyadan o‘tgan talabgorlar ishga qabul qilish uchun suhbatga taklif etiladilar.

Markaz faoliyati, dastlabki natijalar borasida so‘z yuritsangiz 

- Markaz tashkil etilganiga ko‘p bo‘lgani yo‘q, biroq shunga qaramay, talaygina ishlar amalga oshirildi. Sohaga oid qonunchilik-me’yoriy bazasi shakllantirildi va yanada takomillashtirish bo‘yicha faol ishlar olib borilmoqda. Davlatimiz tomonidan 2013-2020 yillarda O‘zbekiston axborot-kommunikatsiya tizimlarini kompleks rivojlantirish dasturi qabul qilinib, unda aholining davlat hokimiyati organlari bilan elektron shaklda o‘zaro aloqalarda bo‘lishini ta’minlash, davlat boshqaruvi tizimida «yagona oyna» tamoyilini joriy etish bo‘yicha vazifalar belgilandi. «Elektron hukumat» axborot tizimlarini va ma’lumotlar bazasi komplekslarini yaratish bo‘yicha tadbirlar belgilab berildi. «Elektron hukumat» tizimini joriy etish bo‘yicha taklif etilgan choralar samaradorligini baholash uchun davlat organlarida interfaol xizmatlarning turli sohalari va yo‘nalishlari bo‘yicha maqsadli ko‘rsatkichlar va indikatorlar ishlab chiqildi.
Bundan tashqari, vazirliklar va idoralar tomonidan kelishish uchun Aloqa, axborotlashtirish va telekommunikatsiya texnologiyalari davlat qo‘mitasiga taqdim etilgan Davlat rahbariyati va Hukumati darajasida qabul qilinadigan me’yoriy-huquqiy hujjatlar loyihalari har tomonlama o‘rganildi hamda «Elektron hukumat to‘g‘risida»gi Qonun loyihalari bo‘yicha takliflar taqdim etildi. Hozirgi davrda hujjat idoralararo ishchi guruh tomonidan ko‘rib chiqish uchun taqdim etilgan; «Elektron tijorat to‘g‘risida»gi Qonun; O‘zbekiston Respublikasi Prezidentining «Jismoniy va yuridik shaxslarga davlat xizmatlarini taqdim etish bo‘yicha «yagona oyna» markazlari faoliyatini tashkil etish to‘g‘risida»gi farmoni; O‘zbekiston Respublikasi Vazirlar Mahkamasining 2013 yil 25 noyabrdagi "Tadbirkorlik sub’ektlarini Internet tarmog‘i orqali davlat ro‘yxatidan o‘tkazish mexanizmini joriy etish chora-tadbirlari to‘g‘risida"gi 312-sonli Qarori va qator boshqa hujjatlar.
Davlat organlari faoliyati funksional va operatsion jarayonlarini qayta tashkil qilish, shu jumladan, davlat xizmatlarini taqdim etish bilan bog‘liq bo‘lgan biznes-jarayonlarini boshqarishni yaxshilash, takomillashtirish va innovatsion mexanizmlarini joriy etishga qaratilgan ishlar faol olib borilmoqda. Barchaga ma’lumki, elektron hukumat tizimini yaratish kam vaqt sarflab, yanada samarali boshqaruvni ta’minlash bilan birga, jamiyat hamda hukumat o‘rtasidagi aloqalarni tubdan o‘zgartirishni ham ta’minlaydi.
Hozirgi holatga kelib, Markaz xodimlari tomonidan O‘zbekiston Respublikasi Bosh Prokuraturasi bilan hamkorlikda Toshkent shahri yo‘lovchi transporti ishini tashkil etish tizimini takomillashtirish bo‘yicha ishlar boshlab yuborilgan. Xususan, «8-Avtosaroy» OAJ ish jarayonini maqsadli o‘rganish o‘tkazildi. Ish jarayonlarini o‘rganish natijalari bo‘yicha aholiga ko‘rsatilayotgan xizmatlar sifatini yaxshilash va boshqaruv tizimini yaxshilash bo‘yicha takliflar va tavsiyalar bilan Axborot-tahliliy ma’lumotnoma taqdim etildi. O‘zbekiston Respublikasi Bosh Prokuraturasi ushbu hujjatni «Toshshahartransxizmat» tizimi boshqa avtoparklarida hisobga olish uchun va xulosalari hamda tavsiyalaridan amaliy foydalanishni tavsiya etdi.
Shu bilan birga Markaz xodimlari tomonidan AKTni rivojlantirish va Davlat bojxona qo‘mitasi (DBQ) va «Toshkent-tovar» (TIY tovar posti) tashqi iqtisodiy faoliyat bojxona postida eksportni bojxona rasmiylashtirish amallarini maqsadli o‘rganish o‘tkazildi.
Bundan tashqari, hozirga kelib, Markaz tomonidan «Yergeodezkadastr davlat qo‘mitasi» xodimlari bilan hamkorlikda ko‘chmas mulkka huquqlar o‘zgarishini davlat ro‘yxati xizmatlari operatsion jarayonlarini o‘rganish va yaxshilash bo‘yicha tadbirlar ishlab chiqish ishlari yakunlandi va «O‘zbekenergo» DAK hamda Davlat arxitektura va qurilish qo‘mitasi bilan hamkorlikda yer uchastkalari berish, qurilishga ruxsat berish hamda elektr quvvati ta’minoti ob’ektlariga ulanish masalalarini o‘rganish davom ettirilmoqda.
Davlat hokimiyati organlari faoliyatida axborot-kommunikatsiya texnologiyalarining joriy etilishi holati va rivojlantirilishini tizimli monitoring qilish doirasida, Markaz xodimlari tomonidan O‘zbekiston Respublikasi Vazirlar Mahkamasining 2013 yil 31 dekabrdagi Qarorining bajarilishi yo‘lida yilning 1-choragi bo‘yicha 123ta ixtisoslashtirilgan davlat va xo‘jalik boshqaruvi organlari tizimi bo‘limlari hamda mahalliy hukumat organlarida davlat hokimiyati axborot faoliyatini joriy etish va rivojlantirish holatini baholash o‘tkazilib, unda axborot tizimlari va resurslarini joriy etish hamda axborot-kommunikatsiya texnologiyalarini joriy etish samaradorligini reytingli baholash tizimining joriy etilishi o‘rganildi.
Elektron hukumat arxitekturasini hamda axborot tizimlarini rivojlantirish va axborot tizimlari ekspertizasini o‘tkazish yo‘nalishi bo‘yicha qator ishlar olib borilmoqda. Markazga kelishuv bo‘yicha texnik loyihalar, texnik topshiriqlar, TEO va PTER, konsepsiyalar va takliflar kelib tushadi, xodimlar tomonidan ularning ekspertizasi o‘tkaziladi va ular bo‘yicha ko‘rsatmalar hamda takliflar ishlab chiqiladi. Ular orasida SED "E-hujjat" versiyasini yaratish, mobil qurilmalarda ZEX "E-XAT" dan foydalanish uchun; yangi ish o‘rinlarini yaratish bo‘yicha "Newjob" hisobot yuritishning avtomatlashtirilgan axborot tizimi kabi va ko‘plab boshqa loyihalarni ko‘rsatish mumkin.
Qo‘shimcha qilib, bugungi kunda elektron hukumat tizimining samarali elementlari sifatida 20dan ortiq loyihalar amalga oshirilganligini ta’kidlab o‘tish lozim. Shu jumladan: Tashkilotlar hamda yuridik va jismoniy shaxslar o‘rtasida elektron-axborot o‘zaro munosabatlari infratuzilmasi tizimini tashkil etuvchisi elementi sifatida O‘zbekiston Respublikasi Hukumat portali – gov.uz har qanday fuqaro yoki korxona, tashkilot, muassasa vakili O‘zbekiston davlat hokimiyati barcha elementlari bo‘yicha to‘la axborot olishi hamda bevosita gov.uz. portali orqali elektron ko‘rinishda davlat hokimiyati u yoki bu organiga rasmiy so‘rovnoma jo‘natishi mumkin. Bundan tashqari, mazkur portalda Asosiy davlat interfaol xizmatlari to‘la reestri berilgan.
Internet tarmog‘ida my.gov.uz. manzilida «yagona oyna» rejimida davlat interfaol xizmatlari Yagona portalining ishga tushirilishi ushbu yo‘nalishdagi ishlarning mantiqiy davomi hisoblanadi. Ushbu portal 2013 yil 14 fevralida davlatimiz rahbarining Farmoniga muvofiq «Obod turmush yili» Davlat dasturiga asosan va 2012 yil 30 dekabrda O‘zbekiston Respublikasi Vazirlar Mahkamasining "Interaktiv davlat xizmatlari ko‘rsatishni hisobga olgan holda Internet tarmog‘ida O‘zbekiston Respublikasining Hukumat portali faoliyatini yanada takomillashtirish chora-tadbirlari to‘g‘risida"gi 378-sonli qaroriga muvofiq tashkil etilgan.
Davlat interfaol xizmatlari yagona portali fuqarolar va davlat organlari o‘rtasidagi ko‘prik hisoblanib, u turli xususiyatdagi hayotiy muammolarni hal etish imkonini beradi. Turli masalalar bo‘yicha tegishli davlat organlariga murojaatlar eng ommaviy xizmatlardan biri hisoblanadi. Ommaviy xizmatlardan biri turli masalalar bo‘yicha tegishli davlat organlariga murojaat etish bo‘lib hisoblanadi. Hozirgi vaqtda uy-joy-kommunal xizmatlari, ta’lim, sog‘liqni saqlash bo‘yicha ko‘plab savollar bilan murojaat etadilar. Bugungi kunda yagona portal orqali 20tadan ortiq yo‘nalish bo‘yicha 300dan ortiq interaktiv xizmat ko‘rsatiladi. Ular orasida, jumladan, statsionar telefon aloqasi xizmatlariga ulanish va yuridik hamda jismoniy shaxslar uchun internet, soliqlar bo‘yicha qarzdorlik mavjud emasligi haqida ma’lumotnoma olish, telekommunikatsiyalar va boshqa sohalar bo‘yicha litsenziyalar olish kabi xizmatlar avtomatik rejimda taqdim etiladi.
Bundan tashqari, 2014 yil 25 yanvar kunidan boshlab portal orqali tadbirkorlar bevosita O‘zbekiston Respublikasi Bosh vaziriga o‘z murojaatlarini jo‘nata olish imkoniga ega bo‘ldilar. Yangi xizmat turli talabnomalarning ko‘rib chiqish muddatini asoslanmagan tarzda cho‘zish, kreditlar yoki yer uchastkalari ajratilishi tartibining buzilishi, xususiy tekshiruvlar va moliya-xo‘jalik faoliyatiga boshqa noqonuniy aralashuvlar, tadbirkorlikning rivojlanishi uchun sub’ektiv omillar va byurokratik to‘siqlar kabi muammolarni hal etishga yo‘naltirilgan.
Bundan tashqari, interaktiv davlat xizmatlari yagona portali onlayn rejimida, «O‘zbektelekom» AK taqdim etadigan telekommunikatsiya xizmatlariga so‘mli onlayn plastik kartochkalaridan foydalanib, to‘lovni amalga oshirish imkonini beradi. Yaqin vaqtlarda, real vaqtda «O‘zbekenergo» DAK xizmatlariga to‘lovni amalga oshirish bo‘yicha servis ishga tushadi.
Bundan tashqari, aloqa, axborotlashtirish va telekommunikatsiya texnologiyalari davlat qo‘mitasi mutaxassislari O‘zbekiston Respublikasi Markaziy banki va boshqa vazirlik hamda idoralar bilan hamkorlikda davlat bojlari va boshqa yig‘imlar onlayn-to‘lov masalalari qayta ishlanmoqda.
Shuningdek, xodimlar malakasini oshirish va qayta tayyorlash, hamkorlikda ilmiy tadqiqotlar o‘tkazish, elektron hukumat sohasida ilmiy-amaliy konferensiya va seminarlar o‘tkazish, iqtisodiyot va ijtimoiy sohaning turli tarmoqlarida axborot tizimlarini joriy etish, jumladan, «elektron ta’lim», «elektron sog‘liqni saqlash», «elektron soliq solish», «elektron bojxona» va boshqalar ko‘zda tutilgan.

 Markazning xalqaro hamkorlik sohasidagi asosiy yo‘nalishlari, kelgusi rejalaringiz haqida ham so‘zlab bersangiz 

- «Elektron hukumat» tizimini rivojlantirish markazi «Elektron hukumat» axborot tizimlarini joriy etish bo‘yicha jamlangan ilg‘or tajribalarni o‘rganish, eng yaxshilarini o‘zi mas’ul bo‘lgan faoliyatda qo‘llash maqsadida xorijiy hamkorlari bilan xalqaro aloqalarni faol va bevosita yo‘lga qo‘ymoqda hamda rivojlantirmoqda.
Bugungi kunda elektron hukumatni rivojlantirish sohasida tajriba almashish yo‘li bilan hamkorlik, tadqiqotlar, davlat boshqaruvini modernizatsiyalash jarayonlari bilimlari hamda zamonaviy usullarini o‘rganishni ko‘zda tutuvchi Davlat boshqaruvi Koreya instituti (KIPA) va Axborot jamiyati masalalari bo‘yicha milliy agentlik (NIA) bilan o‘zaro hamjihatlik to‘g‘risidagi Memorandum imzolandi.
Mazkur hujjatlar joriy yil aprel oyida «Elektron hukumat» tizimini rivojlantirish markazi delegatsiyasining Koreya Respublikasiga tashrifi davrida imzolangandi. Shuningdek, ushbu tashrif doirasida delegatsiya «O‘tish davri sharoitlarida davlat boshqaruvi islohotlari: yutuqlarning asosiy yo‘llari va metodlari» mavzusidagi nufuzli xalqaro konferensiyasida ishtirok etdi.
Shu bilan birga, davlat axborot-resurslari va tizimlarini shakllantirish uchun ma’lumotlarni qayta ishlash zamonaviy markazlarini yaratish bo‘yicha tajriba o‘rganish maqsadida Axborot va kompyuterlashtirishni qayta ishlash milliy agentligi (NCIA) bilan, shuningdek, jamoat transporti tizimida AKTni joriy etish masalalari bo‘yicha hamkorlik qilish imkoniyatlarining istiqbol yo‘nalishlari masalalarini muhokama etish Seuldagi Transport nazorat-axborot markazi (Seoul TOPIS)da uchrashuvlar o‘tkazildi.
Koreyalik hamkorlar bilan hamkorlikni rivojlantirish doirasida joriy yil mart oyida Axborot jamiyati masalalari bo‘yicha milliy agentlik (NIA) vakillari bilan videokonferensiya o‘tkazildi. NIA xodimlari tomonidan mamlakatda «Elektron hukumat» tizimini joriy etish bo‘yicha tayanch institut sifatida tashkiliy tuzilma va o‘z rivojlanish yo‘li tajribalari haqida taqdimot o‘tkazildi.
Shu bilan bir vaqtda, markaz uchun axborot texnologiyalari industriyasini rivojlantirish bo‘yicha milliy agentlik (NIPA) hamda Koreya Axborot jamiyatini rivojlantirish instituti (KISDI) kabi Koreya Respublikasi yetakchi tashkilotlari tomonidan maslahatli hamkorlikka jalb etish bo‘yicha ishlar amalga oshirilmoqda.
Koreya xalqaro hamkorlik agentstligi (KOICA) bilan hamkorlik doirasida «O‘zbekiston aholisi orasida kompyuter savodxonligi darajasini oshirish tizimini yaratish va rivojlantirish» Konsepsiyasi loyihasi tayyorlandi va Qo‘mita AKTni strategik rivojlantirish bo‘limiga topshirildi. Konsepsiyada aholining kompyuter savodxonligini yaxlit va umumiy hajmda oshirish hamda interaktiv davlat xizmatlariga ulanishda teng sharoitlar bilan ta’minlash ko‘zda tutilgan. Konsepsiya loyihasi O‘zbekiston Respublikasi tegishli vazirlik va idoralariga muvofiqlashtirish uchun tayyorlanmoqda.
Bundan tashqari, BMT rivojlanish dasturi hamkorlik mexanizmi, jumladan, «davlat xizmatlari ko‘rsatish sifatini yaxshilash uchun Elektron hukumatni ilgari surish» loyihasi yo‘lga qo‘yilmoqda. Loyiha O‘zbekiston Respublikasi Prezidenti Devonida muvofiqlashtirish bosqichida.
«Elektron hukumat” tizimini rivojlantirish markazi Jahon Banki bilan hamkorlik texnik dasturi doirasida salohiyatli yo‘nalishlarni amalga oshirish, jumladan, e-Hukumat sohasida salohiyatni yaratish; e-Hukumat uchun maqbul sharoitlarni yaratish, jumladan, muvofiq siyosat va qonunlarni qo‘llab-quvvatlash, shuningdek, keng polosali aloqani kengaytirish uchun salohiyatlarni yaratish bo‘yicha o‘z takliflari va aniq tadbirlarni taqdim etdi.
Bundan tashqari, Markaz faoliyatiga axborot texnologiyalari sohasida faoliyat yurituvchi mamlakatimiz va umuman, hukumat faoliyatiga hamda jumladan, elektron hukumat tizimi rivojiga chuqur hurmat bilan yondashuvchi ko‘plab SAP, Andmevara AS, Oracle, Microsoft, ESET kabi xorijiy kompaniyalar qiziqmoqda.
Albatta, markaz oldida aholi manfaatlarini ko‘zda tutgan, vaqt va mablag‘ni tejash imkonini beruvchi kechiktirib bo‘lmaydigan muhim vazifalar ko‘p. Davlat organlari, biznes vakillari hamda aholi o‘rtasidagi aloqani mustahkamlashda o‘z vazifalarini muvaffaqiyat bilan amalga oshirish hamda taqdim etiladigan imkoniyatlarda mazkur “Elektron hukumat” tizimini rivojlantirish markazining o‘rni muhim ahamiyat kasb etadi. Mazkur vazifalar markazning belgilab qo‘yilgan kelgusidagi istiqbol rejalari asosida amalga oshiriladi. 

 
«INFOLIB-2014» III Milliy axborot-kutubxona haftaligi doirasida Elektron hukumat markazining aholiga interfaol xizmat ko‘rsatish bo‘yicha yagona portalning taqdimoti 
O‘zbekiston Milliy kutubxonasida yoshlarning mediasavodxonligini oshirishga qaratilgan davra suhbati bo‘lib o‘tdi
O‘zbekiston Milliy kutubxonasida yoshlarning mediasavodxonligini oshirishga qaratilgan davra suhbati bo‘lib o‘tdi
O‘zbekiston Milliy kutubxonasida yoshlarning mediasavodxonligini oshirishga qaratilgan seminar bo'lib o'tdi
O‘zbekiston Milliy kutubxonasida yoshlarning mediasavodxonligini oshirishga bag‘ishlangan seminar bo‘lib o‘tdi
O‘zbekiston Milliy kutubxonasida kompyuter savodxonligi bo‘yicha o‘quv mashg‘ulotlari
O‘zbekiston Milliy kutubxonasida axborot-kutubxona muassasalari mutaxassislarining axborot madaniyatini va media savodxonligini shakllantirish bo‘yicha seminarlar bo‘lib o‘tdi
O‘zbekiston Milliy kutubxonasida O‘zbekiston Respublikasining “Elektron hukumat to‘g‘risida”gi Qarori bilan tanishtirishga bag‘ishlangan seminar bo‘lib o‘tdi
KUTUBXONA TAVSIYA ETADI
TAQVIM